• Today is: Thursday, September 21, 2017

කුමක්ද මේ තද හිසරදය? ඉරුවාරදය හෙවත් Migraine

190 Views

headache

 හිසේ කැක්කුම සමග වමනය පවතියි නම් එමන්ම එම හිසරදය දැඩි ශබ්දයන් නිසා හෝ දැඩි ආලෝකය නිසා වැඩිවෙයි නම් ඔබට පවතින හිසරදය ඉරුවාරදය නිසා ඇතිවන තත්වයක් විය හැකිය. ඉරුවාරදය නිසා එන හිසරදය බොහෝ අවස්ථාවල හිසේ එක පැත්තකට සීමා වන අතර  ලබන වාරයේදී එය හිසේ අනික් පැත්තට සිමාවෙයි. හිස තෙරපෙන්නා සේ පැමිණෙන මෙම හිසරදය සාමාන්‍යයෙන් පැය 4 සිට 12ක් දක්වා පවතින අතර සමහරවිට මෙම කාලයට වැඩ අඩුවීමට හෝ වැඩිවීමට ඉඩ ඇත. සාමාන්‍යයෙන් ඉරුවාරදය සැදීමට පෙර ඉරුවාරදයේ පුර්ව ලක්ෂණ ලෙස අධික බඩගින්න නොඉවසිලිමත්කම වැනි ලක්ෂණ දැකිය හැකිය. එමෙන්ම අමුතු ශබ්ද  රසයන් සහ ගන්ධයන්  මෙන්ම ඇස බොදවීම නිවී නිවී දැල්වෙන අලෝකයන්ද  පුර්ව ඉරුවාරද සමයේ බහුලව අත්විදිය හැකි තත්වයන්ය.  කලාතුරකින් ඉරුවාරදය සමග ඇස නොපෙනී යාම කරකැවිල්ල ශරීරයේ පැත්තක් හිරිවැටීම හෝ පන නැතිවීම සිදුවිය හැකිය. මෙවන් රෝග ලක්ෂණ ඇතිවුවහොත් මෙය ඉරුව රදයටයි කියා නොසිට වහා වෛද්‍ය ප්‍රතිකාර වලට යොමුවියයුතු අතර මන්දයත් මෙම රොගී ලක්ෂණ මොලය අභ්‍යන්තරයේ ලේ වහනයකදීද  සිදුවිය හැකි රෝගී ලක්ෂණ වන නිසාය. 

කාන්තාවනට ඉරුවාරදය නිසා එන හිසරදය මාස ශුද්ධිය කාලයේදී වැඩිවිය හැකිය. මානසික ආතතියකින් යුතු විටද ඉරුවාරදය නිසා එන හිසරදය වැඩිවන අවස්ථාවන් එමටය. එමෙන්ම සමහර සුවද විලවුන් වර්ග අග්‍රා නය කිරීම මෙන්ම සමහර කෑම වර්ග නිසාද වැඩිවෙයි.

ඉරුවාරදය අවුරුදු 50 හෝ 60 වනවිට සම්පුර්ණයෙන්ම නැතිවී යයි.

Tags: